Мұғалімдердің ақпараттық коммуникациялық технологияны оқу үрдісінде қолдануы және ақпарттық мәдениетін дамыту жұмыстары.
АКТ-ны оқыту үрдісінде қолданудың маңызды міндеті – оқушылар мен мұғалімдердің жаһандық желіге жаппай қосылуын қамтамасыз ету болып табылады. Жалпы орта білім берудің Мемлекеттік стандартына сәйкес Интернет желісіне қатынау мүмкіндігі 7-11 сыныптарда қамтамасыз етілуі қажет. Аудан мектептері Интернет желісіне АДСЛ, радиоұзартқыш, Dial-up телефон байланыстары арқылы қосылған. 29 мектептің 10-ы ADSL технологиясы бойынша, 8 мектеп EV-DO жүйесі арқылы жаһандық желіге, (512кбит/с, 256 кбит/с, 128 кбит/с) қатынау мүмкіндігі бар.
Білім сапасын көтеру мақсатында оқу үрдісінде ақпараттық – коммуникациялық технологияны енгізіп, компьютерлік техникамен қамтамасыз ету Бөрлі ауданында жылдан жылға жақсаруда.
Компьютерлердің жалпы саны аудан мектептері бойынша – 619 оның 312-сі ауыл мектептерінде. Қазіргі уақытта 1 компьютерге 13 оқушыдан келеді.
Қала мектептері он - лайн режимінде өтетін сабақтарға, семинар кеңестерге уақытымен қатысады. Қаланың 3 мектебінде веб-сайт жұмыс жасайды.
2012 жылы Ақсай қаласының № 6 ЖББОМ, Жарсуат, Березовка мектептері МЛК кабинеттерімен, Ақсай қаласының № 6 және Қанай негізгі мектептері биология кабинетімен, Ақсай қаласының № 4 және № 6 ЖББОМ-і химия кабинеттерімен республикалық бюджет есебінен жабдықталды.
Бүгінгі таңда компьютер мектепте сабақтың ғана емес, сонымен қатар барлық мектепшілік өмірдің ажырамас бөлігіне айналып отыр.